Кюн ахшы болсун, багъалы окъуучула!
Бюгюн биз эки дерсде да Тёппеланы Алимни “Азап жолу” деген трагедиясын окъурукъбуз. Авторну жашау эм чыгъармачылыкъ жолун 157 бетде окъугъуз.
Тёппеланы Алим, кёчгюнчюлюк сынагъан жашчыкъ, кесини чыгъармаларында кёзю кёрген, сынагъан затларыны юслеринден жазады. Ол халкъы бла бирге ачлыкъ, жаланнгачлыкъ, зорлукъ да сынагъанды. Алай таулу миллет адамлыкъ шартларын бир кере да тас этмегенини юсюнден кёп чыгъарма жазгъанды.
“Азап жолу” деген чыгъарманы баш жигити Мёчюланы Кязимди. Мында Кязимни жашаууну ахыр кюнлери суратланадыла. Не къыйын болумлада да Кязим къарыусузгъа эс тапдырады. Хар айтхан сёзю да, этген оноуу да дарманды халкъына.
Сиз бу чыгъарманы башындан аягъына дери тынгылы окъугъуз (164-195 бетле). Ол эки дерсде окъуллукъ материалды. Чыгъарманы ахырындагъы соруулагъа жууап этигиз.
Сау къалыгъыз!