Кюн ахшы болсун, багъалы сабийле!
Бюгюн 3-чю классда окъулгъан “Болушла” деген теманы андан ары бегитирикбиз.Сиз болушланы атларын, сорууларын да къайтарыгъыз. Эринмей, кесигиз сайлагъан сёзлени бир ненчасын болушлада тюрлендиригиз.
Сиз унутмай тура болурмусуз, аллай бир сейир зат бар эди. Иеликчи болушну бла тамамлаучу болушну соруулары да, жалгъаулары да бирчадыла. Сора аланы бир биринден къалай айырыучубуз? Сёз ючюн, СТОЛНУ деген сёз къайсы болушда болур? Аны билир ючюн, сёз тутушла къурап кёрейик: столну аягъы, столну ишледиле. Биринчи сёз тутушда аякъ столнукъуду-аякъны иеси столду; экинчи сёз тутушда уа бир зат бир затныкъы тюйюлдю. Ол кеси да этим бла сёз тутуш къурап турады. Столну аягъы деген сёз тутушда уа баш сёз атдан къуралгъанды.
Тамамлаучу болуш къуру иеликчи болушха ушап къалмай, баш болушха да ушайды.
Сиз билесиз, баш болушну сорууларын – Ким? Не? Кимле? Неле?. Тамамлаучу болушну да барды Не? деген сорууу.
Къызчыкъ ЮЙ жыяды. Атам ИЙНЕК сауады. ЮЙ, ИЙНЕК деген сёзле Не? деген соруугъа жууап этедиле, ала тамамлаучу болушдадыла.
Жорукъну дагъыда бир кере окъугъуз, тестле бла ишлерге хазырланыгъыз.
Сау къалыгъыз!