Нарт хъыбархэмрэ пшыналъэхэмрэ.
Текстыр къитхык1. Нарт л1ыхъужьу пщ1эхэм я ц1эхэр ищ1агъым к1эщ1этхэ.

Нарт хъыбархэмрэ пшыналъэхэмрэ л1эщ1ыгъуэ к1ыхь 1эджэм къыпхахащ адыгэхэм, дэтхэнэ л1эщ1ыгъуэми и нэпкъыжьэрэ и лъэужьрэ ихъумащ нарт эпосым. Абы уригъуазэмэ,унэплъысыфынущ адыгэ культурэм и лъащ1эм, ар щыхьэт тохъуэ пасэрей адыгэхэм культурэ телъыджэ зэрабгъэдэлъам, а культурэм и купщ1эр пасэрей дунейм щызэф1эуващ, зиужьурэ гъуэгуанэшхуэ къызэпичащ. Гъуэгуанэ к1ыхь къыщызэпичым, абы, дауи, хъугъуэф1ыгъуэ 1эджэ к1эрыхуагъэнщ-шэч хэлъкъым. Апхуэдабзэу шэчыншэщ пасэрей адыгэ культурэм и ф1ып1эр ди деж къызэрысар. Ар псом япэрауэ зи ф1ыгъэр 1уэры1уатэрщ, нэхъ белджылыуэ жып1эмэ, нарт эпосырщ. Нарт эпосыр нобэрей щ1эблэм дежк1э гъуазэщ-ди лъэпкъым ижь-ижьыж лъандэрэ къыдэгъуэгурык1уэ культурэ хьэлэмытым и хъугъуэф1ыгъуэхэр пхутэн мурад пщ1амэ. Апхуэдэ мурадк1э и ужь уихьэмэ нарт хъыбархэмрэ пшыналъэхэмрэ къебгъэ1уэтэфынур бащэщ…