Нобэрей урокыр зытедухуэнур пкъыгъуэ зэлъэпкъэгъухэращ. Пэщ1эдзэ классхэми абыхэм теухуауэ гуры1уэныгъэ гуэрхэр щызэвгъэгъуэтащ, нобэ ахэр фи нэгу къыщ1эвгъэувэжу щ1эныгъэщ1эхэр зэвгъэгъуэтын хуейщ. Темэр къывгуры1уэн папщ1э, подлежащэр, сказуемэр, дополненэр, определенэр, обстоятельствэр псалъэухам и пкъыгъуэхэрауэ зэрыщытыр къэфщ1эжыпхъэщ. Пкъыгъуэ зэлъэпкъэгъухэм упщ1э зэщхь яхуэув къудейкъым, ат1э ар къыздик1ри зы пкъыгъуэу щытын хуейщ.
1эмал имы1эу пкъыгъуэ зэлъэпкъэгъухэм я зэк1элъыхьык1эм, зэрызэпыщ1ах нагъыщэхэм я гъэувык1эм ехьэл1ауэ фи тхылъхэм ит теоретическэ материалым гупсэхуу фыкъеджэн хуейщ. Ар къыщывгъуэтынущ параграф 25-26-хэм.