Благъуэм къыщыщӀар
Къуажэм я псыр зы благъуэ гуэрым иубыдырт. Унащхьэ чэзукӀэ хашурэ зы хъыджэбз иратмэ, псы тӀэкӀу къиутӀыпщырт, итӀанэ иубыдыжырт. Пщым унафэ ищӀри, Батыр а благъуэм деж ягъэкӀуащ.
Батыр щынэблагъэм, благъуэм и Ӏур игъаджэу хуежьащ жьэдилъэфэну. Батыр ар къищӀэщ, къамылым хэувэри, къипиупщӀурэ пхыр-пхыру зэрипхыу щӀидзащ. ИтӀанэ губжьауэ и Ӏур зыгъаджэ благъуэм къамыл пхырыр жьэдидзэу хуежьащ. Ауэрэ, благъуэм жьэдэз щыхъум, Батыр абы шэсри, и тхьэкӀумитӀыр иӀыгъыу тесу, къуажэм къэкӀуэжыну къежьэжащ. Батыр благъуэм тесу, благъуэжьыр гъуахъуэу, и пэ гъуанитӀым мафӀэ бзийуэ къарихум гъуэгунапщӀитӀри илыгъуэу, къэкӀуэжу щалъагъум, къуажэм дэсыр щтэри, тепщи пщылӀи зэкӀэлъхьэужьу дэжри щӀэпхъуэжащ. Батыр благъуэм зэрытесу пщым и пщӀантӀэм дыхьэри, благъуэр игъэджэгуурэ, унэхэри псэуалъэхэри зэтригъэкъутащ. ИтӀанэ благъуэр къыдихужщ, иукӀри, щтапӀэ ихьэжа цӀыхухэр къишэжащ.
1.Текстыр къызыхэхар дигу къыдогъэк1ыж.
2.Текстым хэт псалъэхэм антонимхэр къахуэфхь:
КъиутӀыпщырт, жьэдидзэрт, къыдихужщ, пщы, гъуахъуэу.
3.Текстыр тетрадым ифтхэ,фэ фигу ирихь псалъэухаит1 синтаксис и лъэныкъуэк1э зэпкърыфх.
4.Тетрадым щывгъэзэщ1а лэжьыгъэр урокым къыздэфхь!