Фи махуэ ф1ыуэ, ди еджак1уэ лъап1эхэ! Зэрыфщ1эжщи,урок блэк1ар къэпщытэжыныгъэм хухэтхат, лэжьыгъэм нэхъ фыкъетшэл1эн ди мураду.Ауэ, ди жагъуэ зэрыхъущи, фи пащхьэм ита къалэнхэр зэк1э гъэзэщ1а зэрыхъуам арэзы дыкъищ1ыркъым.Урокым къыхыхьам я бжыгъэр мащ1э дыдэщ. Мы тхьэмахуэм триместр къызэднэк1ым и оценкэхэр зэрыдгъэувыжынур зыщывмыгъэгъупщэ.
Нобэрей тест лэжьыгъэхэр зэхэдгъэуващ псалъэухам и пкъыгъуэхэм щыщу определенэр ди тегъэщ1ап1эу.Аращ ди темэщ1эм и ф1эщыгъэц1эри.Определенэр зищ1ысыр,абы хуэув упщ1эхэр,нашэкъашэу зэрыщ1атхъэр фи адыгэбзэ тхылъхэм къыщывгъуэтынущ (нап.51).
Гу лъывэзгъэтэну сыхуейт определенэм игъэбелджылыр щы1эц1эк1э къэгъэлъэгъуа псалъэухам и адрей пкъыгъуэхэр (подлежащэ,дополненэ) зэрыарам, нэгъуэщ1у жып1эмэ,абы хуэдгъэув упщ1эхэр къызыпкърык1ынур ахэращ. Мы зы урок закъуэм, дауи, фэ а темэр нэгъэсауэ къывгуры1уэнукъым. Дэ абы иджыри къытедгъэзэжынущ 8-нэ классым.