Кюн ахшы болсун, сабийле! Бу дерсде биз сёз тутушну юсюнден билимибизни андан ары ёсдюрлюкбюз. Сёз тутушда бойсуннган сёз баш сёзге не жалгъаусуз, не ноль жалгъау бла, не жазылгъан жалгъау бла, неда сонгураны болушлугъу бла байланады.
Сёз тутушда сёзле бир бирге юч тюрлю амал бла байланадыла:
къысылыу (примыкание), тагъылыу (управление), келишиу (согласование).
Баш эм бойсуннган сёз бир бирге жалгъаусуз байланнганына къ ы с ы л ы у дейдиле.
Баш сёз бойсуннган сёзге болуш жалгъау неда сонгура къошдуруп келсе, ол т а гъ ы л ы у болады.
Сёз тутушну эки кесеги да тилни ат кесеклеринден къураладыла. Аланы биринчи кесеклери
иеликчи болушда болады, аны себепли экинчи кесеклерине иелик жалгъау къошулады. Быллай байланыугъа к е л и ш и у дейдиле.
8-чи § да болгъан юлгюлеге къарагъыз, бу таблицагъа да эс буругъуз, 51-чи ишни толтуругъуз, WhatsApp бла ийигиз.