Урок № 1.
Фи махуэ ф1ыуэ, ц1ык1ухэ! Нобэрей урокым дытепсэлъыхьынущ я мыхьэнэ, я къэхъук1э ик1и къэгъэсэбэпык1э елъытак1э бжыгъэц1эхэр л1эужьыгъуипл1у зэрызэщхьэщык1ым: зэрабж(тху,хы), зэрызэк1элъык1уэ(етхуанэ,еханэ), зэрагуэш(тхурытху,хырых),къутахуэ (ханэ,тхуаних).
Гу лъывэзгъэтэну сыхуейщ бжыгъэц1эм и дэтхэнэ зы лъэпкъыгъуэри упщ1э щхьэхуэхэм жэуап зэрахуэхъум, езыри псалъэухам пкъыгъуэ нэхъыщхьэуи пкъыгъуэ ет1уанэуи зэрыхэувэм.
Адэк1э я къэхъук1эм сыкъытеувы1эну сыхуейт. Псалъэм папщ1э,зэрызэк1элъык1уэ бжыгъэц1эхэр зэрабжхэм къатохъук1 суффикси префикси пыувэк1эрэ. Къутахуэхэри зэрабж бжыгъэц1эхэрщ къызытехъук1ыр, ауэ суффикс къудей пыувэк1эрэ.Зэрагуэш бжыгъэц1эхэм я къэхъук1эр нэхъ гъэщ1эгъуэныжщ. Абы теухуа тхыгъэр фи адыгэбзэ тхылъым и напэк1уэц1 50-м къыщывгъуэтынущи,гупсэхуу фыкъеджэ.

Урок № 2. Е 16-18-нэ параграфхэм къыщыхьа теоретическэ материалхэр дэIэпыкъуэгъу къыфхуэхъунущ тест лэжьыгъэхэр щывгъэзащIэкIэ.
Тхьэм къывигъэхъулIэ.