Кюн ахшы болсун, багъалы окъуучула!
Биз сизни бла дерс китапны ахырында «Мамырлыкъ макъамы» деген разделни окъугъанбыз, малкъар жазыучуланы жюрекге къууанч берген, мамырлыкъ жашаугъа аталгъан чыгъармалары бла шагъырей болгъанбыз.
Китапны 168-169-чу бетлеринде болгъан суратлагъа дагъыда бир эслеп къарагъыз.
Ол суратлада бизни туугъан жерибизни ариулугъу къалай ачыкъ кёрюнеди!
Таза кёк, анда жюзген акъ булутла, таула, къаяла, гюллю талала, жарыкъ тийген кюн, бийик кешене, черек эм мамыр шошлукъда жашагъан тау эл.
Бу затла барысы да бизни туугъан жерибиздиле.
«О, шукур, шукур! Дуния ырахат…» — деп, андан жазгъан болур эди Зумакъулланы Танзиля.
Къулийланы Къайсынны 172-173 бетде «Сабийле ёлмесинле!» деген назмусун кёлден билигиз, 176-чы бетде соруулагъа жууап этигиз, жууапларыгъызны суратха алып, манга WhatsApp бла ийигиз.
Сау къалыгъыз!