Кюн ахшы болсун, сабийле!
Бюгюн биз Макытланы Сафарны «Къарт аппа бла туудугъу» деген чыгъармасын окъурукъбуз.
Макытланы Сафар бизни белгили назмучуларыбыздан бириди. Биз аны эндиге дери да кёп назмусун окъуй тургъанбыз. Аны назмуларына этилген жырла бюгюн-бюгече да жырланадыла.
Сиз «Къарт аппа бла туудугъу» деген назмуну эс буруп окъугъуз.
Чыгъарманы окъугъанда сизни башыгъызгъа къаллай сагъышла келдиле? Автор бизге не айтыргъа сюе эди? Адам атасына, анасына къарт болсала да, къалай къараргъа керекди, алагъа къаллай намыс берирге тийишлиди?
Ол затланы юслеринден оюм этигиз!
«Намыс болмагъан жерде насып болмаз» деген нарт сёзню унутмагъыз!
Бу темагъа келишген, кесигиз да биришер нартсёз билип келигиз.
Сау къалыгъыз, эсен тюбешейик!