Фи махуэ ф1ыуэ! Нобэрей урокыр зытеухуар макъ дэк1уашэхэращ(согласные звуки). Мы темэр нэхъ гуры1уэгъуэ хъун папщ1э, абы теухуауэ пэщ1эдзэ классхэм щызэбгъэщ1ар, урысыбзэ урокхэм гуры1уэныгъэ щызэбгъэгъуатахэр уи нэгу къыщ1эбгъэхьэжын, къэпщ1эжын хуейщ. Япэрауэ, макъхэр т1ууэ (макъзешэрэ макъ дэк1уашэу) зэригуэшыр дигу къэдгъэк1ыжащ, макъзешэхэм я къэхъук1эми псалъэмакъ етщ1эк1ащ. Иджыпсту макъ дэк1уашэхэм даущ зэращ1этыр, ахэр къыщытпсэлък1э пэрыуэгъу зэрагъуэтым гулъытэ лей хуэфщ1ыпхъэщ.Зыщыгъэгъупщэн хуейкъым макъ дэк1уашэхэр я къэхъук1э елъытауэ жьгъыжьгърэ(звонкие) дэгуу(глухие) зэригуэшыр, макъ дэк1уашэ дэгухэр къэзыгъэхъур даущ къудейр зэрыарар, макъ дэк1уашэ жьгъыжьгъхэм я къэхъуныгъэм щ1эжьыуи даущи зэрыщ1этыр. Абы щыгъуэми,абыхэм щыщу нэхъыбэр т1урыт1урэ гуэгъу зэхуохъу.