Добрый день,дорогие ребята!Ознакомьтесь пожалуйста с текстом и выучите новые слова. Артемрэ Темыркъанрэ А р т е м: Темыркъан, ук1уэжрэ? Т е м ы р къ а н: Нт1э. Сыт щ1ыжып1эр? А.: Сыту ф1ыт! Зыгуэрк1э сыпхуейт. Т.: Нак1уэ-т1э, зэгъусэу дык1уэжынщ. Дыщык1уэжк1э, къызжеп1энщ. А.: Темыркъан, Ц1ыхубзхэм я махуэшхуэр къоблагъэ. Аракъэ? Т.: Аращ. Уи анэм тыгъэ гуэр хуэбгъэхьэзыра? А.: Аращ сыщ1ыпхуейр. Уэ зэрыпщ1эщи, предмет псори «4»-рэ «5»-к1э сощ1э, ауэ геометрием есщ1энур сщ1эркъым. Зик1 къызгуры1уэркъым. Укъыздэ1эпыкъуфын? Т.: Сыбдэ1эпыкъунщ, зэрыхъук1э. Ауэ сытк1э епха ар ди анэхэм я махуэм? А.: Си анэр къэзгъэгугъащ четвертым зыри «3» симы1эну. «Ар псом нэхърэ нэхъ тыгъэф1т», – къызжи1ащ мамэ мазэ и пэк1э. Т.: Мис иджы къызгуры1уащ. Уи псалъэ уепц1ыж хъунукъым. А.: Пщэдей геометрие ди1эщ. Т.: Пэжщ. Къек1уэк1и, теоремэр къыбгурызгъэ1уэнщ, задачэ зыбжани бдэсщ1ынщ. А.: Упсэу, Темыркъан! Аращ ныбжьэгъу жыхуа1эр. Т.: Хъунщ, хъунщ. Уэри литературэмк1э къыдата сочиненэхэмк1э мызэ-мыт1эу укъыздэ1эпыкъуащ. А.: Уэ сыт уи анэм тыгъэ хуэпщ1ынур? Т.: Илъэсыщ1э лъандэрэ ахъшэ т1эк1у зэхуэсхьэсащ. Си анэм унэм щагъэк1 удз гъэгъахэр ф1ыуэ елъагъу. Апхуэдэ зы дахэ дыдэ къыхуэсщэхунущ. А.: Уеплъак1э? Т.: Нт1э. Апхуэдэ удз гъэгъахэр щащэ тыкуэн тпэгъунэгъущ. А.: Си анэми ф1ыуэ елъагъу удз гъэгъа, ауэ сэ удз гъэгъа 1эрамэт къэсщэхуну си гугъар. Т.: Артем, ахэр тхьэмахуэ нэхърэ нэхъыбэк1э щытынукъым. Къэщэху уэри унэм щагъэк1хэм щыщ. А.: Дэгъуэу сигу къэбгъэк1ащ. Сэри аращ сщ1энур. Т.: Сыкъэсыжащ, Артем, неблагъэ. А.: Упсэу, Темыркъан. Сыхьэтитхухэм деж сыкъак1уэ хъун? Т.: Хъунущ. Сыт щ1эмыхъунур? 2. Псалъэщ1эхэм къеджэ. Зэгъащ1э. есщ1энур сщ1эркъым – не знаю, что делать с … зик1 – никак зэрыхъук1э – по возможности уи псалъэ уепц1ыж хъунукъым – надо сдержать слово къыбгурызгъэ1уэнщ – объясню бдэсщ1ынщ – решу (сделаю) с тобой къэсщэхуну си гугъар – я думал купить сигу къэбгъэк1ащ – надоумил